Atravesa o territorio do Concello de Sur a Norte, conformando unha terra que mesmo recibe o nome de Ribeira por estar arredor do río
Seguindo a Isaac Rielo Carballo (G.E.G.), ¿por dificultades de paso, quizais na angostura de Boel, produciuse un ensanchamento do seu cauce dando lugar ó rico e fértil meandro de O Chao Grande de Santalla. Un pouco máis abaixo, este río, cedendo ante o maior caudal e impetuosidade do Rodil, repregouse sobre si mesmo buscando novo curso e orixinando con elo unha lingua de terra cunha configuración moi especial e que recibe o nome de Insua, por acharse rodeada de auga case por completo, e que un día foi furada (de aí o de Montefurado) no tramo de arranque, polos romanos, con obxecto de proceder ó rastreo e procura das pepitas auríferas que, segundo a tradición de entón, baixaban acompañando as augas do Rodil. No hai moito tempo descubrironse nas inmediacións de Os Cangos restos de emprazamentos de bancos para lavado de minerais preciosos, e vestixios de fornos para a cocción de arxilas.
O Eo aflúen as augas do Lúa, procedente da parroquia deste nome, que bañan as terras de A Bara e Navallos, e o Servial, que atravesa o lugar de San Xorxe.¿
Segundo Otero Pedrayo, ¿O nome do Eo comeza pouco denantes de Piquín, pola xuntanza de regos do Val de Baleira, do monte Muradal e do monte dos Texos. A raiz máis alta ven do lugar e comezo da serra soada de Cádabo, dos termos da parroquias de San Pedro da Asperela de onde, en senso contrario, deitan as fontes primeiras do Neira. Os vales da Baleira e do Neira atestan polas súas cabeceiras co erguemento do Cadabo. O Eu camiña ben fondo por longos tramos desertos. No primeiro, acolle perto de Os Baos augas de Fonsagrada, polo Rodil amedrado, polo Fillabal descido da Fonfría na serra de Pedras Apañadas¿.