Demograficamente Ribeira de Piquín segue as tendencias da Galicia interior: poboación diseminada, como o demostra a súa baixa densidade media (15 hab./Km2), tendo retrocedido desde a segunda metade do século XIX por causas do éxodo rural dos anos 50.
A marcha dos seus poboadores atópase intimamente ligada á estrutura minifundista do terrazgo, á escasa mecanización e ás escasas probabilidades de supervivencia nun medio rural escasamente mecanizado e mal comunicado.
A súa poboación actual, que apenas supera os 1.000 habitantes, contrasta cos 2.229 de principios de século (censo de 1900), o cal supón un descenso de pouco máis do 50% do continxente poboacional.
Censo: 1.054 habitantes.
Densidade: 15 hab./Km2.